?Die maandelikse
personeelvergadering van die Sentrum vir Leertegnologie? (SLT) het gedurende Oktober
in ? ander ruimte as gewoonlik plaasgevind. Die SLT-personeel het die Stellenbosch
Biblioteek se Innovasieruimte besoek waartydens personeel kon vergader terwyl
hulle ook lewe in innoverende en stimulerende idees kon blaas.
Die Innovasieruimte verskaf ? innoverende en stimulerende omgewing aan universiteitspersoneel en geregistreerde studente vir samewerkende prototipering, innovasie en leer. Norman Hebler het die SLT-personeel deur verskillende ontwerpwerkstasies, wat ? area vir 3D-modelering, stroombaanontwerp en rekenaarondersteunde ontwerpsagteware verskaf, begelei. Die spasie bevat ook vier konstruksiewerkstasies met osiloskope waarmee kreatiwiteit konstruktief in ? skepping kan ontaard deur die tegniek van soldering. Iets wat die meeste belangstelling onder SLT-personeel aangewakker het, was die 3D-modelering en drukker moontlikhede en hoe idees vir 3D-drukwerk met opvoedkundige idees gekombineer kan word.
Volgens sommige van die SLT-personeel is daar ? pret-element aan 3D drukwerk gekoppel. Wanneer studente genot ervaar tydens die proses van leer, vind leer ook optimaal plaas – hiervan kan die personeel getuig. Die 3D-drukwerkproses sluit ? ontwerp komponent in waartydens idees kreatief in ? ontwerp omgeskakel kan word terwyl iemand ook kreatiewe rekenaarontwerpvaardighede in die proses ontwikkel. Nadat die idee op die rekenaar ontwerp is, word die idee en ontwerp ? werklikheid tydens die 3D-drukproses. Volgens die personeel het ? ontwerk ? realiteit geword deur die drukproses en kan die produk innoverend as “opvoedkundige (tegnologiese) rekwisiet" aangewend word. Sommige personeel het die tyd in die Innovasieruimte as ? “heelbrein denkende ervaring" beskryf waartydens dele van jou brein, wat nie noodwendig andersins deur ? bepaalde dissipline aangewakker word nie, wel hier geaktiveer kan word. Sommige personeel het die ervaring as asemrowend beskryf aangesien – deur ? nuutgevonde kreatiewe lens – selfs klein 3D-gedrukte voorwerpe diepgaande betekenis kan hê wat verdere leer en/of betekenisvolle ervaringe teweeg kan bring. ? Ander lewenswerklike opmerking was dat die 3D ervaring weer pret en opwinding in opvoedkunde terugbring, wat weer die belangrikheid om vooruitstrewende benaderings in opvoedkunde te oorweeg, benadruk het. 3D drukwerk kan ook prototipes en voorwerpe druk wat studente se ervaringsleer kan ondersteun.
Die SLT-personeel het nie net meer oor die aanbod van die Innovasieruimte geleer nie, maar ook hoe eindelose innoverende moontlikhede deur kreatiewe idees ? werklikheid kan word. Aanvullend daartoe het kollegas ook van mekaar in ? ander ruimte op ? prettige wyse geleer.
Vir meer inligting oor die Innovasieruimte, besoek gerus die webblad hier.
