Prof Michele van der Merwe het die voorreg gehad om by die Universiteit Stellenbosch (US) se Maart-gradeweek nie een nie, maar twee dogters se grade aan hulle toe te ken.
Enkele dae ná mekaar het eers Anke haar PhD-graad in Afrikaans en Nederlands ontvang, en toe het haar suster, Andrea, die podium betree het om haar LLB-graad te ontvang. Die ervaring was des te meer spesiaal omdat Van der Merwe, tans Voorsitter van die Departement Kurrikulumstudie in die Fakulteit Opvoedkunde, 26 jaar gelede met ? D.Litt in Afrikaans en Nederlands aan die US gegradueer het. Haar man, Albert, is ook ? alumnus met ? honneursgraad. Tussen hulle spog die Van der Merwe-gesin nou met ? indrukwekkende 11 grade.
Prof Van der Merwe sê haar eie akademiese ondervinding het haar in staat gestel om haar dogters met hulle studies te ondersteun. “Ek kon met raad en sorg help wanneer dinge nie goed of na verwagting verloop het nie. En daar is niks so kalmerend soos ? kafe?eninspuiting saam met jou ma by jou gunsteling-koffiewinkel op Stellenbosch nie!"
Anke (27), wat aan die Ho?r Meisieskool La Rochelle in die Paarl gematrikuleer het en nou op Stellenbosch woon, het drie jaar lank aan haar PhD gewerk. “Ek het dié reis geweldig geniet. Aan die begin was dit intimiderend, want die onderwerp het vereis dat ek iets moet leer wat ek nog nooit vantevore geleer het nie. Ek het ? aanlyn kursus van ses weke oor korpuslinguistiek by die Lancaster-universiteit (in die Verenigde Koninkryk) voltooi, wat die basis van my navorsing geword het."
Oor haar tesis met die titel “? Diachroniese korpusstudie oor die voorkoms van laat-styl in die po?sie-oeuvre van Breyten Breytenbach", sê sy dit was ? voorreg om navorsing oor dié ikoniese skrywer te doen. “Ek het nog altyd soveel aanklank by sy werk gevind en ek het nooit 'moeg' vir my onderwerp geword soos mense my gewaarsku het dalk kan gebeur nie."
Andrea, ook ? oudleerling van La Rochelle, het ? paar dae ná Anke haar graduering saam met haar suster en ouers gevier. “Dis ? eer en ek is trots daarop dat ek dié week saam met my suster gegradueer het. My gunsteling-deel was dat my ma my graad toegeken het. Sy en my suster het my albei gedurende my LLB-studie ge?nspireer en ek voel gese?nd dat ek op hul ondersteuning kon staatmaak. Hulle het my altyd aangemoedig om hard te werk en my drome en passies na te jaag."
Die susters se fakulteite is albei in Ryneveldstraat gele?, maar Anke sê die Regsfakulteit voel soos “? ander wêreld". Hul vakgebiede is wyd uiteenlopend en Anke sê haar suster se werk het haar uit haar eie PhD-“borrel" geskud.
Die wete dat haar ma ook haar PhD in die Departement Afrikaans en Nederlands voltooi het, was beslis spesiaal, voeg sy by. "Sy het my vertroue gegee met haar woorde van bemoediging en ek kon op haar staatmaak. Om ? PhD te verwerf was van kindsbeen een van my drome en dit is aan haar te danke. Maar sy het nooit druk op my uitgeoefen om dit te doen nie; ek het self besluit dat dit my doel in die lewe is."
Vir hierdie gesin van Maties was die gradeplegtigheidsweek van Maart 2025 ? dubbele feesviering. “Dis ? wonderlike gevoel en ek en my man is albei verheug," sê prof Van der Merwe. “Ons voel so gese?nd, maar ook nederig. As ouers het ons ons dogters aangemoedig om hard te werk en hulle drome na te jaag.
“Hierdie drome word nou verwesenlik soos wat hulle hul eie belangstellings najaag en onderskeidelik in ? jong akademikus en ? jong prokureur ontwikkel," sê sy nadenkend.
FOTO: Stefan Els
