'n Toer na Kaapstad in haar graad 11-jaar by die Oprah Winfrey Leierskapsakademie in Gauteng het Vuyokazi Hlwatika aangespoor om by die Universiteit Stellenbosch te kom studeer. Hlwatika het verlede jaar haar derde graad – 'n meestersgraad in politieke wetenskap – aan die US verwerf.
Volgens Hlwatika, wat in Kariega (Uitenhage) in die Oos-Kaap grootgeword het, was dit die US se kurrikulum en sy deurlopende goeie prestasie op ranglyste wat die instelling haar topkeuse gemaak het. Hoewel sy aanbiedinge van vier universiteite regoor die land ontvang het, het sy gekies om aan die US te studeer. "Die dag toe ons [op Stellenbosch] was, het ons met personeel van die Afdeling Studentesake gesels. Ons het ook met 'n paar lede van die Studenteraad gesels oor hulle ervarings by die US. Al die positiewe dinge wat hulle gedeel het, het as bevestiging vir my besluit gedien."
Nadat sy haar voorgraadse studie voltooi het, het Hlwatika 'n honneursgraad en mees onlangs 'n meestersgraad behaal. Haar proefskrif, "A Typology of Counterinsurgency Approaches Towards ISIS-Allegiant Insurgency Groups: Variations between Western States and The Global South", bied 'n ontleding van teenopstand in ses lande. "Met genoeg literatuur oor teen-opstand-benaderings in Westerse lande, was ek veral ge?nteresseerd om by te dra tot die literatuur oor teen-opstand in die Globale Suide. Dit is hoekom my hoofstukke oor Mosambiek, Nigeri? en Pakistan my die meeste verkwik het. Om hierdie proefskrif te skryf het soos 'n marathon gevoel, maar die vrae wat dit my laat vra het oor my onderwerp, gewelddadige konflik in die algemeen, die wêreld om my en my plek daarin het my liefde vir die akademie bevestig."
Hlwatika sê hierdie derde graad was een van die moeilikste dinge wat sy nog ooit moes doen. "Nie as gevolg van die proefskrif self nie, maar weens al die ander dinge wat gedurende my studie gebeur het." Sy sê sy het gedurende haar studie voltyds by 'n risiko- en intelligensiekonsultasiefirma begin werk met buigsame ure sodat sy saans op haar tesis kon fokus. En asof dit nie genoeg is nie, was Hlwatika ook deel van die Futurelect SAOG Public Leadership Fellowship-program vir leiers in die SAOG-streek wat belangstel om in die politiek en staatsdiens te werk. "Hierdie [ervaring] was uiters nuttig om die volgende stap op my loopbaanreis te bepaal, want teen die einde van my genootskapsjaar, wat saamgeval het met die einde van my meestersgraad, was ek gereed om van die korporatiewe na die nie-regeringsorganisasieruimte oor te gaan."
Sy skryf haar toewyding aan haar studie en werk toe aan haar ma en susters. "Ek was ses tot my pa oorlede is en as weduwee het my ma haar bes probeer om ons na 'n blink toekoms te lei deur positiewe besluite te neem. Sy het ons altyd aangemoedig om op ons skoolwerk te fokus en ons het na haar raad geluister." Haar ouer suster Nozuko is 'n gepubliseerde akademiese skrywer en doen tans haar PhD in politiek, met 'n fokus op openbare administrasie, in die buiteland. Haar ander suster Nolu het ook 'n honneursgraad.
Die "ontelbare" aande, naweke, openbare vakansiedae en verloftydperke wat sy oor die jare opgeoffer het, het vrugte afgewerp, sê Hlwatika. "God en die ondersteuning van geliefdes wat in my akademiese vermo?ns en veerkragtigheid geglo het, was van onskatbare waarde om my op hierdie reis te help. Die voordeel wat ek uit my opofferings geput het, is nie net gespesialiseerde kennis oor my vakgebied nie, maar ook die oordraagbare vaardighede van navorsing, akademiese skryfwerk en die vermo? om komplekse konsepte te verduidelik aan mense binne my vakgebied en diegene wat nog nooit daarvan gehoor het nie," sê Hlwatika.
"Die reis was dalk moeilik, maar dit was beslis die moeite werd."
Byskrif: 'n Jubelende Vuyokazi Hlwatika vier haar derde graad aan die US.
Erkenning: Sisasenkosi Fenene van FENENE Trading
