'n Grensverskuiwende kliniese proef wat vandeesweek in die New England Journal of Medicine gepubliseer word, het getoon dat ? orale antibiotika, levofloksasien, wat een keer per dag vir ses maande geneem word, die risiko vir die ontwikkeling van multimiddelweerstandige tuberkulose (TB) by kinders aansienlik verlaag het. Levofloksasien het die risiko van multimiddelweerstandige (MDR) TB by kinders met 56% verminder, het navorsers van die Universiteit Stellenbosch (US) aangekondig. Die proef het ook getoon dat levofloksasien wat oor ses maande toegedien word, veilig en draaglik is.
Die TB-CHAMP-proef is in Suid-Afrika uitgevoer, waar ? ho? las van TB en MDR-TB voorkom, en het hoofsaaklik op kinders jonger as 5 jaar gefokus. Hierdie jong kinders wat aan TB blootgestel word, het ? ho? risiko om aktiewe TB en ernstige vorme van die siekte te ontwikkel.
In die proef is levofloksasien toegedien aan 453 kinders wat aan ? volwassene met MDR-TB in hul huishouding blootgestel is. Slegs 5 (1,1%) het MDR-TB ontwikkel, vergeleke met 12 (2,6%) in die plasebo-kontrolegroep.
Die medisyne het baie min newe-effekte gehad. Spesifiek gewrigspyn en tendinitis – tradisioneel ? bekommernis – het baie min voorgekom, met slegs een kind wat laegraadse tendinitis ontwikkel het. Levofloksasien is oor die algemeen goed deur kinders en versorgers aanvaar.
“Daar was die afgelope paar jaar groot vooruitgang met die doeltreffender en veiliger behandeling van MDR-TB by volwassenes en kinders. Daar was egter geen streng bewyse van kliniese proewe oor hoe om middelweerstandige TB te voorkom nie," sê prof Anneke Hesseling, hoofondersoeker van die TB-CHAMP-proef aan die US. “Ons het nou ? manier gevind om kinders veilig te beskerm wanneer ? volwassene in die huishouding aansteeklike MDR-TB het. Die belangrikheid daarvan om ons kinders teen middelweerstandige siektes te beskerm, kan nie onderskat word nie. Die voordeel vir kinders, hul gesinne en gemeenskappe kan aansienlik wees."
Meer as 450 000 mense ontwikkel elke jaar MDR-TB en dit kan verwoestend vir pasi?nte en hul gesinne wees.
“MDR-TB bly ? uitdaging om te behandel. Kinders was nog altyd die mees verwaarloosde van alle pasi?nte en hul toegang tot nuwer medisyne het by dié van volwassenes agtergebly," het prof James Seddon, mede-hoofondersoeker van die proef, gesê. “Deur ? nuwe manier te vind om kinders veilig te hou wanneer MDR-TB ? gesinslid tref, help ons die hele gesin om soveel vinniger te herstel van die trauma wat die siekte veroorsaak – vanuit ? gesondheidsperspektief, maar ook vanuit ekonomiese en geestesgesondheidsperspektiewe."
Die TB-CHAMP-proef het oortuigende werk oor koste en impak ingesluit en toon nie net kostedoeltreffendheid nie, maar ook kostebesparings vir TB-programme. Vir elke 1 000 kinders aan wie hierdie regime toegedien is, gegewe ? 2,5%-risiko om MDR-TB te ontwikkel, was daar ? totale gesondheidsbesparing van $11,3 miljoen (meer as R117 miljoen), ? totale gesondheidswins van 30 gesonde lewensjare en ? vermindering van 15 MDR-TB-gevalle en een sterfte.
'n Soortgelyke studie wat in Vi?tnam gedoen is, die VQUIN-proef wat op volwassenes en adolessente fokus, het soortgelyke bevindings getoon en word ook vandeesweek in die New England Journal of Medicine gepubliseer. In 'n unieke samewerking het navorsers van die TB CHAMP- en VQUIN-proewe die data van hul proewe oor pediatriese en volwasse bevolkings gekombineer ter gesamentlike inligting van nuwe globale riglyne oor MDR-TB-voorkoming. Hierdie gesamentlike, gekombineerde proefbevindinge word ook vandeesweek in NEJM Evidence gepubliseer. Deur gebruik te maak van beide tradisionele meta-analise en nuwe Bayesiaanse metodes wat by die Kliniese Proewe-eenheid van die VK se Mediese Navorsingsraad aan die 肆客足球 College London (UCL) ontwikkel is, het die spanne die gekombineerde data van die twee proewe ontleed en getoon dat levofloksasien ewe doeltreffend in volwassenes en kinders is.
“Deur hierdie werk vooraf noukeurig te beplan kon ons hierdie belangrike bevindinge saam met die hoofresultate van die twee proewe aanbied, met ? selfs groter impak op globale riglyne en beleid," sê Trinh Duong, TB-CHAMP-proefstatistikus van die UCL, wat die gekombineerde ontledings gelei het. Hierdie doeltreffende samewerkende ontledingstrategie beklemtoon die voordele van proaktiewe datadeling en innoverende metodes om data saam te voeg om te verseker dat bewyse wat van volwassenes en kinders verkry word, gelyktydig 'n impak kan hê op globale riglyne én toegang in die veld vir almal wat die risiko loop om MDR-TB te ontwikkel.
Op grond van ? oorsig van hierdie proefbewyse het die Wêreldgesondheidsorganisasie levofloksasien in September 2024 vir voorkomende MDR-TB-behandeling by kinders, adolessente en volwassenes aanbeveel.
“Navorsing om tuberkulose by kinders te voorkom en te behandel het te lank aan die agterspeen gesuig," het dr Philippe Duneton, Uitvoerende Direkteur van Unitaid, gesê. Dié organisasie is die grootste multilaterale befondser van TB-navorsing en -ontwikkeling wêreldwyd. “Unitaid is bly om deel te wees van pogings om groter aandag aan kinders se behoeftes te gee. Hierdie bewyse in die voorkoming van middelweerstandige TB by kinders, ? eerste in sy soort, behels groot vooruitgang met die potensiaal om miljoene kinders te beskerm."
TB bly een van die belangrikste oorsake van sterftes by kinders wêreldwyd en eis van die meeste lewens van kinders jonger as 5 jaar. Minder as 20% van kinders met MDR-TB word tans gediagnoseer en behandel. Dit maak van hulle een van die mees verwaarloosde bevolkings wat deur TB geraak word. Baie van hierdie kinders met MDR-TB was in noue kontak met iemand met aansteeklike MDR-TB. Om hierdie kinders en die res van hul huishoudings te identifiseer, hulle vir TB te sif en voorkomende behandeling aan te bied, sal van deurslaggewende belang wees om meer gevalle op te spoor en MDR-TB te voorkom.
Die TB-CHAMP-proef is deur Unitaid gefinansier en onder leiding van die BENEFIT Kids-projek by die US uitgevoer. Unitaid versnel toegang tot innoverende gesondheidsprodukte en lê die grondslag vir hul uitbreiding deur lande en vennote. Die proef is ook gefinansier deur die Suid-Afrikaanse Mediese Navorsingsraad en die VK se Mediese Navorsingsraad deur ? toekenning aan die US, met ondersteuning van die VK se Buitelandse, Statebond- en Ontwikkelingskantoor, die Global Challenges Research Fund, die Mediese Navorsingsraad en Wellcome, as deel van die EDCTP2-program wat deur die Europese Unie ondersteun word.
