?Die onlangse hackathon wat deur die Universiteit Stellenbosch (US) se Skool vir Datawetenskap en Rekenaardenke gere?l is, was 'n uitsonderlike ervaring en 'n mylpaal in die universiteit se verbintenis tot die bevordering van innovasie, diversiteit en gemeenskapsbetrokkenheid. Vir tien dae het die hackathon 'n dinamiese groep studente uit verskeie departemente byeengebring, met deelnemers oor fakulteite heen, insluitend akademici en professionele persone uit die bedryf wat almal saamgewerk het om 'n werklike uitdaging op te los en 'n omgewing te skep wat gons van kreatiwiteit en vindingrykheid.
a 'n Vertoonvenster van diversiteit en talent
Een van die merkwaardigste aspekte van hierdie hackathon was die diversiteit van ons deelnemers. Die geleentheid het 'n wye verskeidenheid talent uit verskillende akademiese dissiplines, kulturele agtergronde en ervaringsvlakke gelok. Die agtergrond en standaard van deelnemers het dissiplines ingesluit soos Bioinformatika, Rekenaarwetenskap, Datawetenskap en Ingenieurswese, Ekonomie, Elektriese Ingenieurswese, Inligtingkunde, Fisika en Wiskunde.
Vanjaar se geleentheid het meer as 60 geregistreerde spanne en 180 deelnemers getrek, aansienlike groei en populariteit in vergelyking met die 2023-aanbieding, wat uit 26 geregistreerde spanne en 80 deelnemers bestaan het. Dit dui op die groeiende gewildheid van sowel die hackathon as studente se begeerte om werklike probleme op te los.
the Die ruggraat van sukses: ons borge en bedryfsvennote
Die hackathon se sukses sou nie moontlik gewees het sonder die onwrikbare ondersteuning van ons vrygewige borge en bedryfsvennote nie. Ons bedank Standard Bank, Motus en Differential Capital wie se ruim bydraes en aktiewe betrokkenheid hierdie geleentheid moontik gemaak het.
Hierdie organisasies het nie net finansi?le ondersteuning verleen nie; hulle het waardevolle kundigheid en mentorskap gebied, wat ons deelnemers gehelp het om hul idees te verfyn en krities oor die werklike toepassing te dink. Hul teenwoordigheid by die hackathon het die belangrikheid van vennootskappe tussen die akademiese wêreld en die bedryf beklemtoon om die volgende generasie innoveerders en leiers te kweek en te koester. Dit onderstreep die groot belang wat die Skool op bedryfsvennootskappe plaas.
Innoverende oplossings met werklike impak
Die essensie van die hackathon is om groot uitdagings op te los wat eie is aan die land en die vasteland in die algemeen. Suid-Afrika het talle paaie met 'n groot aantal slaggate; vanjaar se hackathon-uitdaging was om kunsmatige intelligensie (KI) te gebruik om doeltreffende en data-gedrewe oplossings te vind. Daarom was die tema “Patch Perfect: Using AI to Fix Roads". Daar is van deelnemers verwag om die getal sementsakke wat nodig is om 'n slaggat te vul via beelddatastelle te voorspel, met inagneming van die verskillende eienskappe van slaggate. Munisipaliteite moet hierdie uitdaging oorkom as hulle hulpbronbeplanning vir die regmaak van slaggate doen. Die kreatiwiteit, innovering en kompleksiteit van die oplossings was uit die boonste rakke en hoogs mededingend, wat die kwaliteit van programme en studentetalent by hierdie universiteit beklemtoon.
a'n Gemeenskap verenig deur innovasie
Die hackathon was meer as net 'n kompetisie – dit het die universiteitsgemeenskap se gedeelde passie vir innovasie gevier. Dit het 'n platform gebied vir studente om hul grense te verskuif, by mekaar te leer en met bedryfsleiers te skakel. Op die aand van die groot finale van die hackathon het 'n gevoel van kameraadskap en kollektiewe prestasie geheers, wat ons herinner het aan die ongelooflike potensiaal binne ons gemeenskap wanneer ons verenig rondom 'n gemeenskaplike doelwit.
Die eerste prys is gewen deur Jordan Welsh, Daniel Van Nimwegen, Cameron Painting en William Morley (Team Neural Navigator), 'n span studente in BIng Elektries en Elektronies, BIng Megatronika, en MSc Toegepaste Wiskunde; Christiaan Hildebrand en AD Kotze (Team Pandas) – BDatSci-studente, het die tweede prys verower; en Team ComSigh – Dirk Hoffmann, Franco Uys, Shriyan Singh, Tonitz Gunther, Stephan Schoonbee, almal BData Sc-studente in rekenaarwetenskap, het die derde prys huis toe geneem. Die vroueprys is gewen deur die Byte Bellas – Emma Rautenbach, Ilanri Van Rossum, Inge Blignaut, en Lucia Pauw, wat almal vir 'n BDataSc-graad studeer.
Toekomsblik
Terwyl ons besin oor die sukses van die 2024 Dataskool Hackathon, doen ons dit met 'n gevoel van diepe trots op ons universiteitsgemeenskap. Die geleentheid het die US se ongelooflike talent en diversiteit tentoongestel en die Universiteit se verbintenis tot die ondersteuning van innovasie en samewerking oor dissiplines heen versterk.
Die US sien daarna uit om die volgehoue groei en impak van die projekte wat uit hierdie hackathon gebore is, te sien. Dr Sunday Oladejo, Standard Bank Lab-leier, het bygevoeg: “Ons is dankbaar teenoor alle deelnemers, borge, bedryfsvennote en organiseerders wat van hierdie geleentheid 'n dawerende sukses gemaak het. Ons het saam die grondslag gelê vir 'n beter, meer innoverende toekoms in die land."?
