???Studente van die Universiteit Stellenbosch (US) sal binnekort hulle staal in datawetenskap kan wys deur werklike probleme op te los in 'n vlagskip-hackathon wat deur die Skool vir Datawetenskap en Rekenaardenke in vennootskap met die Standard Bank Lab aangebied word.
Die tema van die kompetisie, wat prysgeld en 'n geleentheid insluit om 'n voorlegging aan die Standard Bank-span te doen, is "Patch Perfect: Using AI to fix roads". Die Standard Bank Lab Hackathon, word van 8–18 Augustus 2024 gehou en voor- en nagraadse US-studente het tot 16:00 op 8 Augustus om te registreer om deel te neem.?
In 'n era waar data besluitneming dryf en rekenaarkrag innovasie ondersteun, toon 'n strategiese vennootskap tussen die Standard Bank van Suid-Afrika Beperk (Standard Bank) en die Standard Bank Lab by die US se Skool vir Datawetenskap en Rekenaardenke vooruitdenkende samewerking, sê John Mukomberenwa, van Standard Bank se Afdeling Korporatiewe en Beleggingsbankdienste (CIB).
Hierdie unieke verbintenis kombineer die finansi?le bekwaamheid en bedryfskundigheid van een van Afrika se grootste banke met die innoverende navorsings- en opvoedkundige uitnemendheid van 'n vooraanstaande instelling vir datawetenskap en rekenaarintelligensie op die vasteland en wêreldwyd.
Prof Kanshukan Rajaratnam, Direkteur: Skool vir Datawetenskap en Rekenaardenke aan die US, sê dit was een van die eerste bedryfsvennootskappe vir die Skool. "Dit het van krag tot krag gegaan met verskeie aktiwiteite wat in die fintech-ruimte plaasvind. Die Standard Bank Lab se aktiwiteite soos die jaarlikse hackathon is nou verweef met die Skool se aktiwiteite. Ons is dankbaar vir hierdie vennootskap wat oor die jare gegroei het."
Hierdie vennootskap verskuif nie net die grense van datawetenskap en rekenaarintelligensie nie, maar berei die weg voor vir transformerende vooruitgang wat beloof om die finansi?le landskap te hervorm. Dit is gereed om die volgende geslag datawetenskaplikes en rekenaardenkers toe te rus met die vaardighede en insigte wat nodig is om hulle pad te vind in 'n wêreld wat toenemend data-gedrewe is, en dit te be?nvloed, sê Sondag Oladejo, wat aan die hoof van die Standard Bank Lab staan. Volgens Oladejo kan dit bereik word deur 'n omgewing van gedeelde kennis, innoverende navorsing en praktiese toepassing te skep.
Die Standard Bank Lab is 'n spilpunt van innovasie en samewerking wat aktief by 'n verskeidenheid aktiwiteite betrokke is om die gaping tussen akademie en bedryfstoepassing te oorbrug. Een van die laboratorium se belangrikste inisiatiewe is die re?l van datawetenskap-hackathons, wat deelnemers uit verskeie fakulteite en vakgebiede lok. Dit dien as 'n lewendige platform vir studente en navorsers om die nuutste datawetenskaptegnieke te gebruik, 'n gees van interdissiplinêre samewerking te bevorder en kreatiewe probleemoplossing te ontwikkel.
Benewens hierdie hackathons, bied die Standard Bank Lab gereeld seminare en loopbaangesprekke aan wat die wisselwerking tussen kunsmatige intelligensie (KI), masjienleer (ML) en die finansi?le bedryf ondersoek. Hierdie geleenthede bring toonaangewende kundiges, professionele bedryfspraktisyns en studente byeen om die nuutste neigings, uitdagings en geleenthede in die vinnig ontwikkelende landskap van KI en ML te bespreek. Deur hierdie verbintenisse kry deelnemers waardevolle insigte oor hoe hierdie tegnologie? die finansi?le sektor hervorm, die nuwe geleenthede wat daaruit voortspruit en watter vaardighede nodig is om in hierdie dinamiese omgewing te floreer.
Die Standard Bank Lab is ook aan die voorpunt van die ontwikkeling van paradigmaverskuiwende raamwerke vir die toepassing van KI en ML in finansies, sê Oladejo. Dit sluit baanbrekerswerk in data-etiek in om te verseker dat die ontwikkeling en ontplooiing van hierdie tegnologie? aan die hoogste standaarde van regverdigheid, deursigtigheid en aanspreeklikheid voldoen. Deur by te dra tot die formulering van etiese riglyne en beste praktyke, speel die Standard Bank Lab 'n deurslaggewende rol in die vorming van 'n verantwoordelike en volhoubare toekoms vir die finansi?le bedryf. Hierdie twee entiteite werk saam om data-gedrewe finansi?le produkte te ontwikkel wat KI/ML-tegnologie? insluit.
Deur hierdie veelsydige aktiwiteite bevorder die Standard Bank Lab nie net die vakgebied van datawetenskap nie, maar rus dit ook die volgende geslag leiers met die nodige kennis en vaardighede toe om innovasie en etiese praktyke in die finansi?le wêreld aan te dryf. Die Standard Bank Lab het die afgelope paar jaar meesters- en doktorsgraadprogramme gefasiliteer, wat voornemende vakkundiges bemagtig om verder te sstudeer en tot baanbrekersnavorsing op die gebied van datawetenskap by te dra.
"Ek oorbrug die gaping tussen Standard Bank en die Skool en kombineer bedryfsinsigte met akademiese navorsing. Hierdie vennootskap verseker die gladde uitruiling van kennis en kundigheid, wat beide entiteite verryk. Standard Bank trek voordeel uit die Standard Bank Lab se jongste navorsing en innoverende metodologie?, wat tegnologiese vooruitgang aandryf. Gesamentlike inisiatiewe soos hackathons en navorsingsprojekte bevorder kreatiwiteit en probleemoplossing om bedryfsuitdagings aan te spreek. Deur die finansiering van gevorderde navorsing ontwikkel die Standard Bank Lab bekwame datawetenskaplikes, wat die bestendige verskaffing van talent aan die finansi?le bedryf verseker," voeg Oladejo by.
"As die hoof van KI-innovasie en borg van die Standard Bank Lab, het ons al groot waarde in ons vennootskap met die Skool gesien. Die Skool dien as 'n uitstekende toevoerkanaal vir samewerking met ander fakulteite en opkomende fintechs, asook vir gesamentlike geleenthede met ons eie kli?nte. Die Skool stel ons in staat om voortdurend ons denke oor tegniese probleme uit te daag, ten goede tot datawetenskap by te dra en om ook geleenthede buite die gebied van finansi?le dienste aan te gryp," voeg Mukomberenwa by.
Van die belangrikste hoogtepunte van die samewerking sluit die gesamentlike markwebinaargesprekke, datawetenskapopleiding en hackathons in. "Ons is onlangs in die innovasiekategorie vir die '2024 Beste B2B-aanbevelingsenjin' erken en die Skool het 'n aktiewe rol gespeel om ons op hierdie reis te ondersteun," sê Mukomberenwa ten slotte.?
