Toewydingseremonie - Fakulteit Geneeskunde en Gesondheidswetenskappe
Die Toewydingseremonie vir voorgraadse Gesondheidswetenskappe-, MBChB-, en Verpleegkundegraduandi asook HonsBSc Biokinetika-graduandi van die Fakulteit Geneeskunde en Gesondheidswetenskappe (FGGW) word Woensdag 11 Desember 2024 gehou.
Lokaal
Tygerberg Studentesentrum (TSS), Tygerberg-kampus
Tydgleuf
09:00 (oggendsessie): Voorgraadse Gesondheidswetenskappe, Verpleegkunde en HonsBSc Biokinetika
14:30 (middagsessie): MBChB
RSVP
Amptelike kommunikasie sal vanaf Oktober per e-pos aan graduandi gestuur word.
Formaat
Persoonlike bywoning
Gaste
Graduandi kan twee (2) gaste nooi om die seremonie in die Sportsaal van die Tygerberg Studentesentrum by te woon.
Bykomende gaste sal in die oorlooplokaal in Lesingsaal 11 van die Onderwysgebou op die Tygerberg-kampus gehuisves word.
Akademiese drag vir toewydingsseremonie
Volg asseblief die volgende stappe vir die huur, afhaal en terugbesorging van akademiese drag.
Belangrike inligting: Dit is verpligtend vir FGGW-graduandi om ’n swart toga vir die toewydingseremonie op Woensdag, 11 Desember 2024 te dra. Let asseblief daarop dat geen band benodig word vir die toewydingseremonie nie. ’n Band word slegs vir die gradeplegtigheid benodig.
Huur: FGGW-graduandi moet direk met Dippenaar & Reinecke in verbinding tree by die volgende kontakbesonderhede:
Tel: 012 343 2945/7
E-mail: admin@diprei.com
Afhaal: Dippenaar & Reinecke sal op die Tygerberg-kampus in Lesinglokaal 7 in die Onderwysgebou op die volgende dae beskikbaar wees:
- Maandag, 9 Desember 2024 – (09:00–16:00)
- Dinsdag 10 Desember 2024 – (09:00 tot 16:00)
- Woensdag 11 Desember 2024 – (08:00 tot 17:00)
- Vrydag, 13 Desember 2024 – (09:00–16:00)
Terugbesorging: Dippenaar & Reinecke sal van Vrydag 9 Desember tot Vrydag 13 Desember 2024 beskikbaar wees op Stellenbosch, by die Danie Craven-klubhuis (gele? by Danie Craven-stadion, direk oorkant die Coetzenburg-sentrum)
- Vrydag 8 Desember 2024 – 09:00–15:00
- Saterdag 9 Desember 2024 – 09:00–13:00
- Maandag 11 Desember 2024 – 07:00–19:00
- Dinsdag 12 Desember 2024 –07:00–19:00
- Woensdag 13 Desember 2024 –07:00–19:00
- Donderdag 14 Desember 2024 –07:00––19:00
- Vrydag 15 Desember 2024 – 07:00–17:00
Fotograwe
Foto’s word met die oorhandiging van die koker, sowel as by die ondertekening van die Toewydingsboek deur die amptelike fotograwe van die Universiteit Stellenbosch geneem.
Ongelukkig sal fotograwe wat deur families gehuur is, nie gedurende die seremonie geakkommodeer kan word nie. Daar sal na afloop van die seremonie geleentheid wees vir familie en vriende om foto’s by die Toewydingsboek te neem.
Gereelde vrae
Besoek die Gereelde vrae-blad vir meer inligting oor die FGGW Toewydingseremonies op die US se toegewyde webwerf.
