Die Raad op Ho?r Onderwys (RHO) is ’n onafhanklike statutêre liggaam wat ingevolge die Wet op Ho?r Onderwys van 1997 tot stand gebring is met die taak om die Minister van Ho?r Onderwys en Opleiding te adviseer, asook om ’n eksterne gehalteversekeringstelsel vir ho?r onderwys met behulp van die staande Ho?ronderwysgehaltekomitee (HOGK), te vestig en te bestuur.
In 2021 het die RHO ’n nuwe gehalteversekeringsiklus begin wat voorskryf dat alle openbare universiteite en private ho?ronderwysinstellings ’n institusionele oudit moet ondergaan.
Die kampusbesoek vir die Universiteit Stellenbosch (US) se institusionele oudit eweknie-evaluering is vir 31 Oktober tot 4 November 2022 geskeduleer.
Bestuursopsomming van die Institutionele Ouditverslag??
Verbeteringsplan
Aksieplan
Waarom 'n institutionele oudit?
Die institusionele oudit is 'n eksterne gehalteversekeringstelsel wat deur die Raad op Ho?r Onderwys gebruik word om te t?oets of 'n universiteit se interne gehaltebestuurstelsel effektief is om studentesukses moontlik te maak.
Soortgelyk aan die Universiteit se interne gehalteversekeringsiklus vir departemente en ondersteuningsdienste, maak die institusionele oudit ook voorsiening vir ’n selfevaluering, gevolg deur ’n eweknie-evalueringsbesoek waar goeie praktyke en verbeteringsareas uitgeken word. Met ’n institusionele oudit word die universiteit in geheel beoordeel.
’n Institusionele oudit word geskoei op die instelling se selfevalueringsverslag, gevolg deur ’n kampusbesoek wat deur ’n eweknie-evalueringspaneel afgelê word.
Hierdie institusionele oudit bied die universiteitsgemeenskap die geleentheid om, soos nodig, die gehalte van studente se belewenis op kampus te oorweeg, veral in die lig van nasionale prioriteite en die bevordering van studentesukses. Daarom word die Universiteit se identiteit, vordering met diversiteit en ho?vlakstrategie? onder die loep geneem.
INTERNE SKAKELS
- Akademiese Beplanning en Gehalteversekering
- Fakulteite
- Leer- en Onderrigverryking
- Navorsing, Innovasie en Nagraadse Studies
- Sosiale Impak
VERSLAE EN MEDIA
- Ge?ntegreerde Jaarverslae
- Historiese Oorsig
- Ondersoeke oor Rassisme en Teistering
- Statistiese Profiel
- Visie en Strategie
EKSTERNE SKAKELS
?Die selfevalueringsproses?
Die proses vir ’n institusionele oudit sluit die volgende in:
- ’n Selfevaluering, waar besin word oor vier fokusareas en 16 standaarde;
- Tussentydse verbeteringsaksies, geskoei op ons selfevalueringsverslag se bevindinge;
- ’n Kampusbesoek, wat in ons geval van 31 Oktober tot 4 November 2022 plaasvind; en
- ’n Verbeteringsplan wat die eweknie-evalueringspaneel se bevindinge aanspreek, moontlik opgevolg met ’n vorderingsverslag aan die Raad op Ho?r Onderwys.
Elk van die bogenoemde word hieronder in meer besonderhede beskryf:?
Selfevaluering
Fase 1: 20 Julie 2021 tot? 30 Junie 2022
1.1 Selfevalueringskomitee
Kort nadat die Raad op Ho?r Onderwys die Universiteit se institusionele oudit in die lewe geroep het, is ’n selfevalueringskomitee gestig, met verteenwoordigers van elke fakulteit en verantwoordelikheidsentrum, én twee studente van die Studenteraad.
1.2 Selfevalueringsverslag
Die selfevalueringskomitee het ’n selfevalueringsverslag opgestel wat hier beskikbaar is. Dit het vir twee rondtes van oorlegpleging na fakulteite, studente en die Senaat gegaan voordat dit in Junie 2022 deur die Raad goedgekeur is.
1.3 Bewysportefeulje
Om al die gehalteoordele wat in die selfevalueringsverslag gemaak word, te ondersteun, is ’n bewysportefeulje geskep. Dokumente waarna die selfevalueringsverslag verwys, is in ’n SharePoint-deelspasie opgelaai met hiperskakels.
Tussentydse verbeteringsaksies
Fase 2: 30 Junie tot 30 Oktober 2022
2.1 Kernbevindinge
Klik op elke blok hieronder om die opsomming van die kernbevindinge van die selfevaluering te sien, soos gegroepeer volgens die vier fokusareas:
2.2 Bewusmaking
Hierdie webwerf stel die selfevalueringsverslag vry aan alle interne rolspelers van die Universiteit, en lig die kernbevindinge en tussentydse verbeteringsaksies uit.
Skakel met die US-gemeenskap oor die institusionele oudit
Jongste nuus oor institusionele ouditbesoek
Personeel | 21 Oktober 2022MFM radio onderhoud
Personeel | 5 Oktober 2022
Personeel | 31 Augustus 2022Kommunikasie uit die Raad (vergadering van 20 Junie 2022)
Personeel en Studente | 29 Junie 2022
2.3 Tussentydse vorderingsverslag
Sedert die indiening van die Universiteit se selfevalueringsverslag aan die Raad op Ho?r Onderwys, het ons alreeds vordering gemaak met sommige van die verbeteringsaksies wat ons vir onsself uitgeken het. Dié aksies sal in ’n tussentydse vorderingsverslag aan die eweknie-evalueringspaneel voorgelê word.
Eweknie-kampusbesoek
Fase 3: Konseptskedule beskikbaar in September met besoek 31 Oktober tot 4 November 2022
3.1 Kampusbesoek
Die kampusbesoek sal mees waarskynlik in hibridiese formaat plaasvind, van 31 Oktober tot 4 November 2022.
Die eweknie-evaleringspaneel sal die US ongeveer ’n maand vooraf van ’n konsepskedule vir onderhoude voorsien en aandui met wie hulle graag op watter tydgleuwe tydens hulle besoek wil onderhoude voer. Die Universiteit sal met die betrokke persone in verbinding tree, hulle oor die proses inlig en versoek dat hulle sorg dat hulle met die selfvalueringsverslag met die oog op ’n institusionele oudit vertroud is. Hier is die konsepskedule (slegs in Engels beskikbaar): Final Site Visit Schedule_SU Audit_19 Oct 2022
Gedurende die kampus besoek staan dit personeel en studente vry om openlik en eerlik op die eweknie-evalueringspaneel se vrae te reageer. Ná ? afloop van die kampusbesoek sal die paneel mondelinge terugvoer gee voordat hulle ’n skriftelike verslag saamstel waarin hulle aanprysings en aanbevelings sal uitstip waarvolgens die Universiteit kan voortbeweeg.
3.2 Die eweknie-evalueringspaneel
Die Raad op Ho?r Onderwys wys die eweknie-evalueringspaneel aan. Klik hier? om hulle verkorte CVs te sien.
Prof Richard Bernard (voorsitter)
Konsultant ho?ronderwysaanstellings? in Suid-Afrika
Dr Bulelwa Nguza-Mduba
Waarnemende Rektor: Butterworth-kampus aan die WSU
Prof Somaiya Naidu
Voormalige Viserektor: Buigsame Leer aan die Universiteit van die Suidelike Stille Oseaan
Prof Irene Govender
Professor in inligtingstelsels en tegnologie aan die UKZN
Prof Maropeng M. Modiba
Emeritusprofessor aan die UJ
3.3 Die onderhoudproses
Personeel en studente wat deel is van onderhoudproses moet hulself vergewis van die inhoud en gevolgtrekkings van die selfevalueringsverslag en bewus wees van die bewysportefeulje wat meer besonderhede en bewyse verskaf om die institutionele eise te ondersteun.
Hulle word ook aangeraai om hulle te vergewis van die institusionele inligting wat in die afdeling oor die institusionele profiel in die selfevalueringsverslag? vervat is.
Verbeteringsplan en Vorderingsverslag??
Fase 4: ?Die Universiteit Stellenbosch Institutionele Ouditverslag
?Die Universiteit Stellenbosch het die Institusionele Ouditverslag op 28 November 2023 van die Raad op Ho?r Onderwys ontvang. Alle belanghebbendes word genooi om die Bestuursopsomming te lees. Dit lig die aanprysings en aanbevelings uit. ?Die Universiteit het op die aanbevelings gereageer deur ’n verbeteringsplan en ? aksieplan teen 28 Junie 2024 te ontwikkel en in te dien.
?
?
