?Dit is Vrouemaand en Fakulteit Opvoedkunde vier die merkwaardige vroue in ons fakulteit. Nokwanda Siyengo, waarnemende direkteur by SUNCEP, is passievol daaroor om die wêreld 'n beter plek te maak deur kennis te deel en die jeug te help ontwikkel. Sy vertel meer oor haar werk en lewe.
Vertel asseblief van jou huidige posisie en verantwoordelikhede in die fakulteit.
Ek is die waarnemende direkteur by SUNCEP - die sentrum bedien skole, opvoeders en studente. My hooftaak is om personeel te bestuur, te lei, te inspireer en te motiveer. Ek skryf voorstelle en verslae wat nodig is om ons befondser-verslagdoeningslyne te versterk en meer befondsers te lok om aan boord te kom en ons aanbiedinge te befonds. Ek werk ook saam met alle departemente binne Fakulteit Opvoedkunde wanneer 'n geleentheid vir samewerking opduik.
SUNCEP het verskillende komponente wat 'n verskeidenheid dienste bied. Die Onderwyser Professionele Leer (TPL) fokus op onderwysers wat reeds in skole is. Ons bied kwalifikasies en kort kursusse aan. Die Leerderverbetering-komponent handel oor verrykingsintervensies in skole. Ons bied aanvullende klasse gedurende Saterdae of skoolvakansies in Wiskunde en Natuur- en Skeikunde aan. Ons universiteitsvoorbereidingsprogram (SciMathUs) gee studente die geleentheid om hul NSS-resultate te verbeter en hulle vir universiteit voor te berei deur middel van universiteits-aanvullende modules. Ons het ook 'n navorsingskomponent wat fokus op praktykgebaseerde navorsing en probeer om ons aanbiedinge nasionaal en internasionaal te deel deur konferensie-aanbiedings.
Hoe lank is jy al in die fakulteit - gee asseblief 'n oorsig van jou posisies voor die huidige een.
Ek het in 2008 by Universiteit Stellenbosch begin werk. Ek is aangestel om 'n Programbestuurder vir die SciMathUS-program te wees. Die program het in 2001 begin en is 'n poging om studente wat NSS geslaag het, 'n geleentheid te gee om hul Wiskunde, Natuur- en Skeikunde en Rekeningkunde te verbeter. Met die verbeterde resultate kan studente by enige ho?ronderwysinstelling aansoek doen om studies in Wetenskap- of Rekeningkunde-verwante studierigtings te volg.
Wat geniet jy die meeste van jou werk?
Ek sien my werk as 'n geleentheid om die trajek te verander van studente wat daarna gestreef het om spesifieke studierigtings te volg, maar nie kon nie as gevolg van die punte wat hulle behaal het.
Ek is passievol oor jeugontwikkeling en deel kennis en kundigheid met 'n voorneme om 'n saadjie te plant wat sal groei en die studente sal toelaat om suksesvol te wees.
Wat/wie inspireer en motiveer jou om te groei en uit te blink?
Ek word ge?nspireer deur sukses en positiewe verandering. Ek is passievol daaroor om goed te doen en mense se lewens aan te raak met die doel om kennis te deel en die wêreld 'n beter plek te maak. Daar is 'n duidelike oorgang in generasiebegrip, interpretasie en bekwaamheid, maar ek glo daar is steeds basiese waardes wat oor generasies heen gedra kan word. Ek is oop vir leer en gewillig om nuwe idees te probeer en raak opgewonde wanneer die studente onbedoeld doen wat goed is.
Hoe balanseer jy werk en persoonlike lewe?
Dit is 'n uitdaging vanwe? die ontsaglike verantwoordelikhede wat saamgaan met die portefeulje wat ek bekle?. Ek neem my verantwoordelikhede baie ernstig op maar leer nou om ook te herlaai sodat ek my pligte na die beste van my vermo?ns kan uitvoer.
Ek is lid van 'n Anglikaanse kerk in Gugulethu en betrokke by jeugaktiwiteite by die kerk - veral opvoedkundige programme en lewensafrigtingsessies.
Vertel asseblief van stokperdjies of aktiwiteite wat jy buite werk geniet.
Boeklees, stap by die see, reis na ander provinsies, spandeer tyd saam met my kinders.
Ek hou daarvan om saam te sing op enige deuntjie of musiek, want ek het geleer musiek streel my siel en vernuwe my gees.
Wat is die beste ding wat ooit met jou gebeur het?
Ek het die Rektorstoekenning vir beste prestasie aan Universiteit Stellenbosch ontvang. Ek het besef het dat die instelling waarvoor ek werk my pogings om die uiteenlopende profiel van die universiteit uit te brei, erken en waardeer.
Enige woorde van wysheid om met personeel te deel?
Die lewe is 'n eenmalige geleentheid, wees altyd wie jy is en wees die beste in wat jy doen. Mense kruis ander mense se paaie vir 'n rede, wees 'n goeie herinnering vir enigiemand wat jou pad kruis.