Alwin Mabuza doen veel meer as sy deel om ondersteuning vir en bewustheid van verskeie geldinsamelingsinisiatiewe, van die jaarlikse 'Giving Day'-veldtog tot die Kaapstad-fietstoer, te help genereer. Hierdie immer ywerige geldinsamelaar by die Afdeling Ontwikkeling en Alumni-betrekkinge sê die lonendste aspek van sy werk is die betekenisvolle bande wat hy smee met die mense wat hy ontmoet. Ons vier Werkersdag in Mei en dra hierdie reeks profiele op aan ons personeel en hulle deurslaggewende bydraes tot die Universiteit Stellenbosch (US).
Wat behels jou rol by die US?
As die individuele en gereelde geldinsamelaar by Ontwikkeling en Alumni-betrekkinge (OAB) is my primêre fokus om verhoudings met individuele skenkers te bevorder en gereelde skenkings aan te moedig om die Universiteit se inisiatiewe en die studentegemeenskap te ondersteun. Sommige noem my liefdevol die Universiteit se amptelike professionele bedelaar – ? titel wat ek met humor en nederigheid aanvaar!
Hoe lyk ? tipiese dag by die werk?
My dae is ? warrelwind van uitreik na potensi?le skenkers, om bestaande verhoudings te koester en samewerking met kollegas om doeltreffende fondsinsamelingstrategie? te ontwikkel.
Hoe het jou opleiding of vorige ervarings jou vir hierdie taak voorberei? Is jy oorspronklik van Stellenbosch?
Ek kom oorspronklik van die klein dorpie Ermelo in Mpumalanga, en ek het lank, lank gelede bedryfsielkunde hier aan die US gestudeer. Op ? manier het dit my toegerus met waardevolle insigte om verskillende persoonlikhede doeltreffend te hanteer. Daarbenewens het my vorige rolle in bewilligingsfinansiering vir regering- én nie-regeringsektore my ? goeie idee gegee van wat ek vir hierdie pos nodig het. Hoewel ek nie oorspronklik van Stellenbosch is nie, het ek gevind dat dit ? verwelkomende, pragtige en lewendige gemeenskap is.
Wat is vir jou die lekkerste van jou rol en werk by die US?
Die mees lonende aspek van my rol is om betekenisvolle verbintenisse met skenkers, alumni en my span by die OAB te bou. Dit is uiters bevredigend om die diepgaande impak van hul ondersteuning op ons universiteitsgemeenskap te aanskou. Die deelname aan die onlangse Kaapstad-fietstoerveldtog, waar ons merkwaardige geldinsamelingsukses behaal het, was veral onvergeetlik.
Vertel vir ons iets opwindends oor jouself wat min mense sou verwag?
Wel, buiten my rol as ? geldinsamelingswonderkind, het ek ? paar eienaardige stokperdjies. Ek is ? professioneel opgeleide koordirigent, maar ek is nie seker of die kantoor gereed is vir my impromptu optredes nie! Ek is ook ? wildernis-entoesias, danksy my dae as ? toegewyde meestergids in die Padvinders. En glo dit of nie, ek het al ? paar keer as radio- en TV-aanbieder opgetree – maar ek sal nie sommer gou begin handtekeninge vra nie!
?Foto: Stefan Els
